ə̀ɲʉ́ ə́tíntə́ və́

Á ə̄ʃèʔ yɛ́nə́ yɛ̀s gàʔ byì dʒísə́ á víʔí Kə̄dʒɔ̀m fá mbɨ̀ʔ ə̀ kwì ə̄tɔ́ʔ á Kàmàlúŋ ə́ bèsə̀ byì ə̀ɲʉ́ ə̄fóʒɨ́və́ fá tsú. Yɛ̀s gàʔ ə́ ŋkúmtə́ byì dʒísə́ á və́ gàʔà byì ə̀pfí ə̄fó, kə̀mpfè, mə̀gə̀tə̀, bɛ̀nə̀ kə̀ʒɨ́. Yɛ̀s dʒìʔ lá víʔí Kə̄dʒɔ̀m ə́ kíʔ dʒísə́ tá kə̄dɨ̀ŋ á və̀wé gàʔà byì ə̀ɲʉ́ ə̄fóʒɨ́və́ fá tsú. Kə̀ɲʉ̀ á kə́ né lá dʒísə́ ndíʔ tá kə́dɨ̀ŋ à dìʔ fámbú á ə̄fóʒɨ́və́ dìʔ á dʒísə́ á dʒísə́, ə̀tsɛ́və́ tólə̀ tòlə́, ə̀tsɛ́və́ bwáʔmə̀ bwàʔmə́. À bɛ̀ díʔ fámbú və́ nèè nə̀ ə̄fóʒɨ́və́ á dʒísə́ kə̄dʒàŋ. À nè kə̀ɲʉ́ kyíkə́ víʔí Kə̄dʒɔ̀m və́ sə́ ŋkə́ə́ gàʔ byì ə̀pfí ə̄fó, kə̀mpfè, mə̀gə̀tə̀, bɛ̀nə̀ kə̀ʒɨ́ və̀wé ə̀ lyèé lá kə̀fó á və́ gàʔà byì kə̀wɛ́n kə́ dìʔ álɛ́ lɔ́.